Стойкі алавяны салдацік

Над спектаклем працавалі:

Мастак-пастаноўшчык – Юрый Саламонаў
Харэаграфія – Вольга Скварцова-Кавальская
Пластыка – з. а. РБ Ігар Сігаў
Памочнік рэжысёра – Таццяна Рабчыкава
Кансультант па класічным балеце – Н. Дараховіч


Дарагі глядач! Малышок ды твая сяброўка-дзяўчынка, вучань пачатковых класаў, падлетак...

Праз некалькі хвілін у зале згасне святло. Сцішся, калі ласка! Прыслухайся, як б'ецца тваё сэрца. яно крыху ўсхваляванае, так? Тады пара адпраўляцца ў падарожжа па краіне казак.

Сёння цябе туды павядзе славуты казачнік свету - Ганс Хрысціян Андэрсен. Ты сустрэнеш чараўніка Оле-Лукое, працавітага Камінара, ганарлівую Свінку-скарбонку, даверлівага Крата і, вядома ж, стойкага алавянага Салдаціка.

Мажліва, ужо ведаеш пра яго не зусім шчаслівы лёс. Не сумуй! У казцы і жыцці заўсёды ёсць месца цудам, і Салдацік яшчэ не раз вернецца да цябе.

Толькі помні - адданасць Салдаціка, вернасць каханню і самаахвярнасць Балерыны так патрэбны ў жыцці!