Хам

нёманскі міф у 2-х частках
Эліза Ажэшка

Мастак-пастаноўшчык – Ігар Анісенка
Пластычнае вырашэнне – Яўгенія Кульбачная

Хамы – так пагардліва называлі сялян паны, бо лічылі іх грубымі і неадукаванымі. Але ж пагарда гэтая не стала перашкодай для неадольнага пачуцця і вядзьмарскай моцы чароўнай паненкі Франкі. І пачалася гісторыя – як нейкае насланнё. Гісторыя адвечная і разам з тым незвычайная, складаная і трагічная, але ж і такая простая, бо самае галоўнае ў каханні – гэта разумець адно аднаго, быць верным свайму слову на ўсё жыццё…

Прэм’ера спектакля “Хам” паводле аднайменнай аповесці Элізы Ажэшкі адбылася на Купалаўскай сцэне ў 1921 годзе. Амаль праз дзевяноста гадоў тэатр зноў вяртаецца да пастаноўкі гэтага спектакля, жанр якога быў вызначаны рэжысёрам Аляксандрам Гарцуевым як “нёманскі міф”.