Старамодная камедыя

Камерная сцэна

меладрама ў адной дзеі

Мастак – Барыс Герлаван

У жніўні 1968 года на Рыжскім узбярэжжы сустрэліся Ён і Яна. Яна – калісьці эксцэнтрычная артыстка. Ён – урач, загадчык аддзялення ў санаторыі. Такія розныя і непадобныя адзін да аднаго! Але ў кожнага за плячыма доўгае і няпростае жыццё, здабыткі і страты, а наперадзе, здаецца, толькі адзінота і ўспаміны… Але яны сустракаюцца – і пачынаецца гісторыя, поўная лірызму і настальгіі, гумару і смутку. Старамодная гісторыя пра вечныя пачуцці…

Мэтр айчыннай рэжысуры народны артыст Беларусі, лаўрэат Дзяржаўных прэмій СССР і Беларусі Валерый Раеўскі паставіў гэты камерны спектакль да юбілею заслужанай артысткі Аўтаномнай Рэспублікі Крым Алы Ельяшэвіч, якая ў дуэце з заслужаным артыстам Рэспублікі Беларусь Уладзімірам Рагаўцовым прадстаўляе яго на суд гледачоў.