Закрыццё тэатральнага сезона. Фінт-Круазэ

Жанр: дзве сучасныя беларускія камедыі Сучасная беларуская камедыя…. Рэдкая і неадназначная з’ява ў беларускім тэатральным мастацтве XХI стагоддзя. Але жаданая і прывабная. Спектакль “Фінт-Круазэ” складаецца з дзвюх аднаактавых п’ес Д.Багаслаўскага “Перапіс насельніцтва” і В.Красоўскага, Д.Багаслаўскага “Сватаўство”. Гэтыя сацыяльныя камедыі знакомяць нас з актуальнымі і смешнымі гісторыямі з сучаснага жыцця. Тут ёсць акцёрская раскаванасць, вострая гратэскная форма існавання персанажаў, глыбокае раскрыццё характараў герояў… Сціплая бібліятэкарка ператвараецца ў гламурную прафурсетку, мамкін сыночак – у брутальнага міліцыянера, зласлівая маці-дзівачка стане наіўным прафесарам, а тата-грузчык – манерным прадаўцом “жывога тавару”. Але самае галоўнае, што гэта пастаноўка ўсе-ткі пра Любоў. Неспадзяваную, раптоўную і шчырую… Над спектаклем працавалі: Мастак-пастаноўшчык – Юрый Саламонаў Кампазітар – Віталь Суддзін Харэаграфія – Вольга Скварцова Мастак па святле – Сямён Давыдзенка