Войцэк

“Войцэк” лічыцца найбольш знакамітым творам Георга Бюхнера і адной з самых папулярных і ўплывовых п’ес на нямецкай тэатральнай сцэне. Сюжэт п’есы ўзяты са старонак газет, дзе ў 1836 годзе шырока абмяркоўвалі гісторыю простага салдата Іагана Крысціяна Войцэка, які забіў сваю сужыцельку і за гэта быў пакараны адсячэннем галавы.

Напісаная ў перадэкспрэсіянісцкім ключы гісторыя чалавека захапіла ўяўленне пастаноўшчыкаў і тэатразнаўцаў, на Камернай сцэне Купалаўскага тэатра да п’есы звяртаецца рэжысёр Юра Дзівакоў.