Па п'есе Алана Аляксандра Мілна.
«Рамантычны ўзрост» - гэта лёгкая камедыя з вытанчанай іроніяй і добрым гумарам. Гiсторыя ў 3-х дзеяннях пра маладосць, першае каханне, веру ў мару і пра магчымасць казачных цудаў у рэальным жыцці.
Юная гераіня Мелiсанда адчувае сябе сярэдневяковай прынцэсай, якая чакае свайго рыцара. Менавіта таму яна катэгарычна адмаўляецца асвоіць любыя хатнія абавязкі і клопаты, чым вельмi хвалюе сваіх бацькоў. Астатнія жыхары дома, акрамя дзіўных слуг, далёкія ад казачных фантазій.
Аднойчы ў доме з'яўляецца юнак, так падобны на таго, аб кім марыла сэрца дзяўчыны. Каго падарыла жыццё Мелісандзе? Сапраўднага прынца або прайдзісвета?
Аб гэтым вы зможаце даведацца, паглядзеўшы новы спектакль тэатра-школы "Вобраз".
Занятыя акцёры – выпускнікі студыі "Узорная сямейка".
Спектакль ідзе на рускай мове.
