Kupalaucy/Radziva Prudok

Вы чакалі, а мы стараліся наблізіць гэты момант як мага хутчэй! Настройвайце вашыя сэрцайкі!

Пазыўныя нашага радыё зноў у касмічным эфіры! Культавы спектакль, заснаваны на рэальных падзеях, расказвае пра жыццё Адруся Горвата – журналіста з Мінска, які працаваў дворнікам у Купалаўскім тэатры, але ў нейкі момант вырашыў з’ехаць у палескую вёску Прудок – адбудоўваць дзедаву хату і адкрываць сваю паляшуцкую сутнасць. Гэта гісторыя стала дзённікам, дзённік – кнігай, кніга – спектаклем. Здаецца, тое было даўно, але муха Наташа, кот Ромка і паўкіло палескай зямлі – гэта той суплёт любові, які мы заўжды носім з сабою.

25 снежня а 19:00 даўгачаканая прэм’ера “Radziva Prudok” паводле кнігі Андруся Горвата ”Радзіва Прудок. Дзеннік”

Рэжысёр – Раман Падаляка
Інсцэніроўка – Раман Падаляка, Міхась Зуй