Прыгоды Бібігона

Спектакль-гульня на адну дзею
Спектакль на рускай мове.

Спектакль для гледачоў ад 4 гадоў

Інсцэніроўка Таццяны Навумавай
Рэжысёр-пастаноўшчык - Таццяна Навумава
Мастак-пастаноўшчык - Алеся Сарокіна
Кампазітар - Сяргей Калодкін
Харэограф - Яўген Корняг

Ідэя спектакля - падтрымаць маленькага чалавека (дзіцяці), даць яму магчымасць адчуць сваю моц, а таксама прыўзняць жыццёвы тонус старэйшага гледача (бацькоў), паказаць жыццё, напоўненае воляй і простымі чалавечымі радасцямі.
У імпрэзу ўключаны песні, харэаграфія, кантакт з гледачамі, рухомыя гульні.

Рэжысёр Таццяна Навумава (н. 1982, Віцебск) яшчэ ў школьным узросце ўдзельнічала ў фестывалі "Школьны тэатр", дзе была адзначана за "лепшую жаночую ролю" (за спектакль А. Дударава "Радавыя"). Захацела стаць акторкай, але з першага разу паступіць не атрымалася. Паступіла ў Віцебскую дзяржаўную вучэльню мастацтваў на тэатральны факультэт, і толькі пасля стала вучыцца ў Беларускай акадэміі мастацтваў на тэатральнага рэжысёра (у майстэрні Барыса Луцэнка), якую скончыла ў 2007 годзе.
На 4-ым курсе паставіла "П'янага анёла" паводле п'есы Ільв. Талстога "Жывы нябожчык", што ішоў на сцэне тэатра-студыі імя Я. Міровіча. З гэтым спектаклем тэатр ездзіў на фестываль "Крылы" ў Рокішкіс (Літва, красавік 2006 года), дзе заняў першае месца!
Удзельнік праекта "Жывая мяжа - Шрофенштайн" (Нямеччына), сябра нямецкай грамадскай арганізацыі "Epopee de l’Europe", якая ладзіць маштабныя міжнародныя творчыя праекты.