Не пакідай мяне

Пастаноўка – заслужаны дзеяч мастацтваў Рэспублікі Беларусь, лаўрэат Дзяржаўных прэмій Валеры Анісенка.
Сцэнаграфія – Валерый Юркевіч.
Пластыка – Дзіяна Юрчанка.
Музыка - Аляксандар Крыштафовіч.
Тэксты песень – Генадзя Бураўкіна.

Спектакль па п’есе вядомага беларускага драматурга, заслужанага дзеяча мастацтваў Беларусі Аляксея Дударава “Не пакідай мяне” – яшчэ адзін напамін пра тых, хто цаной уласнага жыцця набліжаў святую Перамогу. П’еса напісана на аснове рэальных падзей.

Чатыры дзяўчыны, учарашнія школьніцы, пяшчотныя, знешне безабаронныя, але моцныя духам, здзейснілі тое, што не здолелі б фізічна загартаваныя мужчыны. Дзея адбываецца ў 1944 годзе падчас беларускай наступальнай аперацыі.

Спектакль ідзе на беларускай мове.