Пластычны спектакль у адной дзеі
Ад Зямлі да Луны і назад - шлях мастака да стварэння шэдэўра!
Часта мы не здагадваемся, што крыецца за працэсам стварэння карцін.
Спектакль "Наш космас"- пластычная гісторыя, якая дапаможа зазірнуць за рамкі застылага сюжэту, у якім мастак змагаецца з супрацьстаяннем сямейнага шчасця і самарэалізацыі: пошук новага сюжэту або першае каханне, здабыццё майстэрства або рамантычны пацалунак, прафесійная перамога ці адзінота. Ён кожны раз стаіць перад цяжкім выбарам. Дасягае поспеху ў мастацтве, але якім коштам?
Пры дапамозе рухаў, жэстаў, танца, у спалучэнні з беларускімі народнымі песнямі раскрываецца драматычная гісторыя пачуццяў, супрацьборства і неспатольнай смагі тварыць!
У спектаклі «Наш космас» глядачам прапануецца задумацца аб кошце, які мы плацім за поспех…
аўтар і рэжысёр-пастаноўшчык Данііл Філіповіч
мастак-пастаноўшчык Аляксандр Камянец
харэограф Вадзім Дубовік
кампазітар Андрэй Цалко
перакладчык Ксенія Даніленка
Прэм'ера – 24.11.2022, 30.11.2022
Працягласць – 1 гадзіна 20 хвілін
