Міхалава зямля

паводле паэмы Якуба Коласа
Спектакль на беларускай мове.

Паэма стваралася з 1911 па 1923 гады, зрабілася праўдзівай энцыклапедыяй тагачаснага народнага жыцця і сталася існай класікай нацыянальнай літаратуры.

… Міхал, адметны герой «Новай зямлі», служыў лесніком і марыў прыдбаць уласны зямельны надзел. Ягоную мару падзяляў брат Антось. Абодва прыклалі шмат намаганняў, каб яе спраўдзіць: шукалі і даведваліся, вырашалі і ацэньвалі, дамаўляліся і таргаваліся. Нарэшце дзядзька Антось рушыў да Вільні – у зямельны банк па крэдыт.

Зямельная справа ставала вартай цэлага жыцця і здавалася, ужо ніхто не ў стане быў перашкодзіць супольным намаганням братоў…