Лістапад. Андэрсен

казкі для дарослых
паводле твораў Ханса Крысціяна Андэрсена

Аўтар ідэі і рэжысёр-пастаноўшчык – Мікалай Пінігін
Аўтар п’есы – Алена Папова
Пераклад – Наталля Русецкая

Мастак-сцэнограф – Барыс Герлаван
Мастак па касцюмах – Алена Ігруша
Кампазітар – Андрэй Зубрыч
Балетмайстар – Наталля Карчэўская

Камп’ютарная графіка – Ала Мацюшэўская
Камп’ютарная анімацыя – Ірына Тарасава

Дзеянне спектакля адбываецца ў адным з мінскіх паркаў, куды кожны дзень у адзін і той жа час прыходзяць на сустрэчу сямёра старых. У хуткім часе гарадскія ўлады збіраюцца знішчыць парк, з якім у герояў столькі звязана. Аднойчы там з’яўляюцца дзеці з садка, і, каб чымсьці іх зацікавіць, старыя пачынаюць распавядаць ім казкі. Кожны апавядальнік праз сваю казку расказвае гісторыю ўласнага жыцця.

У аснову п’есы, якая была напісана па замове Мікалая Пінігіна, пакладзены некалькі казак вядомага дацкага пісьменніка Ханса Крысціяна Андэрсена: “Пастушка і Камінар”, “Новае ўбранне караля”, “Стойкі алавяны салдацік”, “Салавей”, “Вялікі Клаўс і Маленькі Клаўс” і “Ялінка”. Падчас спектакля на экран на сцэне будуць выводзіцца кніжныя ілюстрацыі і фрагменты з кіно і анімацыі.