Рэжысёры-пастаноўшчыкі: Ягор Невяровіч
Мастак-пастаноўшчык: Дар'я Волкава
Кампазітар: Антон АСТАШЭВІЧ
Харэограф: Сяргей ПАЯРКОЎ
Рэжысёры-пастаноўшчыкі: Данііл ФІЛІПОВІЧ
Музычна-пластычная фантазія
Спектакль на беларускай мове
Ну, хлопчыкі, ну, хітруны! Мяркуюць, што цікавей за ўсё ў гульні шмат лётаць і добра біцца, а сяброўку варта прызначыць каралевай – і яна будзе ціхамірна за імі назіраць. Вядома, сяброўка пагаджаецца. Але хутка згадвае ўсё, што ведала пра каралеў і, гуляючы, падначальвае хлопчыкаў сваёй волі. Воля гэтая пакуль ні добрая, ні злая, ды выяўляецца па меры таго, што выдумляюць дзеці…
… У Якуба Коласа не варта шукаць падобны сюжэт – яго прыдумалі ў тэатры. Але ў “Казках жыцця” класік схаваў вялікі сакрэт, які час адкрыць дзецям: наша Зямля – жывая. І вымагае ад нас абачлівага стаўлення, прыстойных паводзін у любой гульні. Ад жыцця Зямлі залежыць наша жыццё.
Прэм’ера адбылася 25 сакавіка 2020 года.
