Калека з Вострава Інішман

Сучасны ірландскі драматург Марцін МакДонах – гэта “сапраўдная сенсацыя тэатральнай Еўропы”, “цуд сучаснай сцэны”, “Таранціна ад тэатра”. Менавіта так называюць яго самыя строгія крытыкі Старога і Новага свету.

“Калека з вострава Інішман” – першая п'еса з трылогіі ірландскага тэатральнага Таранціна.

Пра што гэта гісторыя ў рэжысёрскім прачытанні Аляксандра Гарцуева? Пра нас. Пра тое, што нашыя ўчынкі не заўсёды могуць раскрыць багацце ўнутранага свету. Пра пытанні, якімі кожны з нас задаецца.
Пра адчуванне прыгожага сябе, нават калі знешне ты з’яўляешся абсалютна агідным. Пра моц пры пакалечаным целе.
Пра жыццё, якое мае права на існаванне, нават калі хочацца ад яго збегчы…

На V Міжнародным фестывалі Марціна МакДонаха ў Пермі (кастрычнік 2022 года) спектакль “Калека з вострава Інішман” атрымаў гран-пры. Дыпломам за “Лепшую мужчынскую ролю” ўзнагароджаны  Арцём Курэнь (за ролю Калекі Білі), дыпломам за “Лепшую мужчынскую ролю другога плана” – Максім Брагінец (за ролю Малыша Бобі).

Рэжысёр-пастанаўшчык – Аляксандр Гарцуеў
Сцэнаграія – Марына Алекна
Мастак па касцюмах – Юрый Саламонаў
Кампазітар – Дзмітрый Фрыга
Мастак па святле – Сямён Давыдзенка

Ролі выконваюць:
Калека Білі – Арцём Курэнь, Аляксандр Ніканенка
Кейт – заслужаная артыстка РБ Галіна Чарнабаева, Вераніка Буслаева
Эйлін – заслужаная артыстка РБ Людміла Сідаркевіч
Джоні Пустабрэх – заслужаны артыст РБ Валянцін Салаўёў, Сяргей Шымко
Бартлі – Дзмітрый Давідовіч
Хэлен Чума – Ганна Семяняка
Малыш Бобі – Максім Брагінец
Доктар – Андрэй Дабравольскі, Максім Карасцялёў
Мамаша – народная артыстка Беларусі Таццяна Мархель, Ганна Анісенка

Прэм’ера: 15 красавіка 2021
Працягласць: 3 г. з антрактам