Гастролі Даўгаўпілскага тэатра
ў Нацыянальным акадэмічным тэатры імя Янкі Купалы
Філасофскія прыпавесці, расказаныя мовай цела
Харэограф, аўтар ідэі: Ірына Савельева
Мастацкі кіраўнік і рэжысёр: Алег Шапашнікаў
Цела - самы прыгожы інструмент, якім валодае чалавек. Мова цела не мае патрэбы ў перакладзе. У цела ёсць свае гісторыі, створаныя ім самім і падгледжаныя ў жыцці, і менавіта яны будуць адкрыта расказаны гледачу мовай танца, пластыкі і аголенай цялеснай прыгажосці.
Спектакль -- гэта невялікія навелы пра людзей, пра іх пачуцці, таямніцы, узаемаадносіны. Гледача ахіне медытатыўная атмасфера з павольным рытмам, у якой моц розуму зробіцца залішняй, і з’явіцца асалода ад сузірання, ад лёту ў плыні свабодных асацыяцый, ад магчымасці адчуваць энергетычную і духоўную блізкасць з выканаўцамі і адно з адным.
Спектакль атрымаў высокія ацэнкі крытыкаў розных краін, а таксама быў прызнаны найлепшым спектаклем фестывалю “ М.art.кантакт-2018” (Магілёў) па выніках галасавання гледачоў.
