Жанр: тэатральныя замалёўкі
19 чэрвеня ў 19.00 у Рэспубліканскім тэатры беларускай драматургіі адбудзецца прадстаўленне “АРТіШОК 2” – вынік франка-беларускай творчасці, увасоблены ў тэатральных замалёўках.
У выкананні акцёраў з Францыі, Бельгіі і Канады будуць прадстаўлены канцэртныя нумары з элементамі стэпа і народных танцаў, вакальныя нумары на французскай, рускай і беларускай мовах, а таксама драматычныя нумары.
Канцэрт створаны пры супрацоўніцтве Міжнароднага грамадскага аб'яднання «Театро» (Беларусь), французскай тэатральнай асацыяцыі «Demain lePrintemps» (Францыя), Рэспубліканскага тэатра беларускай драматургіі і кафедры акцёрскага майстэрства Беларускай дзяржаўнай акадэміі мастацтваў.
Над праектам працавалі акцёры, рэжысёры і выкладчыкі з Беларусі, Францыі, Бельгіі і Канады.
