Аднойчы ў вялізным горадзе

Рэжысёрка-пастаноўшчыца Ірына Пушкарова
Мастак-пастаноўшчык Павел Архангельскі
Мастачка Ганна Сілівончык
Кампазітар Аляксандр Сандлер
Харэограф Дзяніс Дадзішкіліані
Сцэнар Ірына Пушкарова, Вера Жыбуль
Пераклад Вера Жыбуль
Відэамантаж Сяргей Ісакаў
Прадзюсер Леанід Дзінерштэйн

3D-спектакль “Аднойчы ў вялізным горадзе” пастаўлены па апавяданні Ф.М. Дастаеўскага. Гэты твор — гісторыя хлопчыка, які страціў сваю сям'ю і застаўся зусім адзін на халодных вуліцах вялікага горада без шансаў на выратаванне. Але дапамога прыходзіць нечакана: цудам маленькі вандронік трапляе на чароўную анёльскую елку, дзе да яго вяртаецца надзея на лепшую будучыню. П'еса разлічаная ў першую чаргу на дарослага гледача, аднак узнятыя ў ёй пытанні свабоды выбару і сацыяльнай няроўнасці, веры ў дабро і справядлівасць будуць зразумелыя і дзецям. Фантастычная казка з яркімі дэкарацыямі і 3D-праекцыяй не дазволіць засумаваць і простымі словамі раскажа пра няпростыя жыццёвыя сітуацыі нават самым маленькім.
Удзельнікі і педагогі: творчая студыя Ірыны Пушкаровай, Хор 10 музычнай школы "Музычныя пацеркі", кіраўнік - Галіна Аерава.