(камедыя па п’есе Алены Поповой "Нужен муж для Поэтессы")
Перакладчык – Марына Бартніцкая
Рэжысёр-пастаноўшчык –
заслужаны дзеяч мастацтваў Рэспублікі Беларусь Віталь Баркоўскі
Рэжысёр – Марына Папова
Сцэнаграф - Вольга Грыцаева
Кампазітар - Аляксандр Крыштафовіч
Балетмайстар - Дзіяна Юрчанка
Гісторыя аб тым, як галоўная гераіня Паэтэса, жанчына неардынарная і летуценная, жыве ў прыдуманым самой свеце, піша ў сваё задавальненне вершы і абсалютна ігнаруе пабытовыя рэаліі. Менавіта гэтая акалічнасць і не дае супакою яе старадаўняй Сяброўцы, якая загарэлася жаданнем знайсці для Паэтэсы "сапраўднага мужчыну", які зрабіў бы яе жыццё "як у ва ўсіх нармальных людзей". Вось тут-то і выяўляецца прыкрыты аўтарскай іроніяй канфлікт узнёслага з пабытова-прызямлёным. Практычная Сяброўка ўладкоўвае на кватэры летуценіцы нешта накшталт мужчынскага "кастынгу" на сапраўднага мужчыну. Спектакль ідзе на беларускай мове.
